Forléargas
Beidh todhchaí na hEorpa i ndomhan atá briste ag brath ar dhaonlathas láidir a bheith againn agus ar na luachanna a thugann na saoirsí agus na cearta ar mór ag Eorpaigh iad a chosaint. Ag tógáil ar a bhfuil bainte amach cheana féin, sa sainordú nua seo déanfaidh an tAontas níos mó chun an daonlathas agus a shaoránaigh a chosaint ar bhagairtí atá ag dul i méid ó ghníomhaithe inmheánacha agus eachtracha, agus an smacht reachta atá mar bhunús leis agus atá bunriachtanach don rathúnas, don iomaíochas agus do mhargadh aonair dea-fheidhmiúil á neartú ag an am céanna. An fhís atá againn de mhór-roinn atá aontaithe ag an daonlathas, ag an gcomhionannas, ag an smacht reachta agus ag urraim do shaoirsí bunúsacha, agus a cuid saoránach i gcroílár na mór-roinne sin, is í sin an fhís a chuirfidh dlús i gcónaí lenár gcuid oibre.
Tuairimí mhuintir na hEorpa
Cuspóirí
Ní féidir talamh slán a dhéanamh dár ndaonlathas ná dár gcearta. Ní mór iad a chur chun cinn agus a chothú gach lá. Thairis sin, ní mór ról lárnach a bheith ag na saoránaigh sa phróiseas daonlathach. Ní mór iad a chur san áireamh i bhfeidhmiú na n-institiúidí a bhfuil muinín acu astu. Sin é an fáth a bhfuil gealltanas tugtha ag an Aontas an méid seo a leanas a dhéanamh:
An daonlathas a chosaint agus seasamh leisagus athléimneacht agus ullmhacht na sochaí a mhéadú
- An smacht reachta a neartú
ar mhaithe le sochaí chothrom dhea-fheidhmiúil
- Rannpháirtíocht saoránach a chur chun cinn
chun smaointe na saoránach a chur i gcroílár an phróisis ceaptha beartas
An chaoi a mbainfimid ár gcuspóirí amach
Sna blianta amach romhainn, oibreoimid ar na nithe seo a leanas:
Ár ndaonlathas a chosaint
Tá córais dhaonlathacha agus institiúidí daonlathacha na hEorpa faoi ionsaí. Chun ár ndaonlathas a chosaint, déanfaimid an méid seo a leanas:
- sciath nua um dhaonlathas Eorpach a mholadh chun cur i gcoinne ionramháil agus cur isteach eachtrach ar fhaisnéis ar líne, trí bhréagaisnéis agus ionramháil faisnéise chomh maith le bagairtí hibrideacha a bhrath, a anailísiú agus a chomhrac go réamhghníomhach
- oibriú chun litearthacht dhigiteach agus litearthacht sna meáin a mhéadú ar mhaithe le hathléimneacht agus ullmhacht na sochaí a fheabhsú
- líonra Eorpach seiceálaithe fíricí a chruthú a bheidh ar fáil i ngach teanga oifigiúil den Aontas
- leanúint de dhlús a chur le forfheidhmiú digiteach, forfheidhmiú an Ghnímh um Sheirbhísí Digiteacha agus an Ghnímh um an Intleacht Shaorga san áireamh, chun timpeallacht ardáin ar líne atá cothrom agus oscailte a chinntiú, chun cosc a chur ar scaipeadh faisnéise agus domhainbhrionnuithe agus chun dioscúrsa sibhialta agus próisis toghcháin a chosaint
- aghaidh a thabhairt ar bhagairtí atá ag teacht chun cinn ar shláine toghchán ar fud na hEorpa, trína chinntiú freisin go gcuirfear i bhfeidhm ceanglais trédhearcachta sa Ghníomh um an Intleacht Shaorga, sa Ghníomh um Sheirbhísí Digiteacha agus i dtrédhearcacht na rialála maidir le fógraíocht pholaitiúil agus tríd an gcur chuige atá againn maidir le hábhar a tháirgtear leis an intleacht shaorga a neartú
I saol an lae inniu, nuair a thugtar a ndúshlán i gcónaí d’athléimneacht ár ndaonlathas, ár sochaithe agus ár ngeilleagar, is iad ár luachanna a cheanglaíonn le chéile muid agus a dhéanann níos láidre muid. A bhuí leis an smacht reachta, bíonn rath ar ár tsochaí agus ár ngeilleagair, agus cinntíonn sé go gcosnaítear cearta bunúsacha, go dtéitear i ngleic leis an éilliú, agus go bhforfheidhmítear conarthaí. Sin é an fáth go ndéanfaimid an méid seo a leanas:
- an Tuarascáil maidir leis an Smacht Reachta a chomhdhlúthú agus a chinntiú go bhféachfar inti ar na saincheisteanna uile ar fud na hEorpa, trí ghné an mhargaidh aonair a chur leis an tuarascáil freisin
- leanúint d’fheabhas a chur ar an monatóireacht agus ar an tuairisciú a dhéanaimid maidir leis an smacht reachta, chomh maith le srianta agus ceartúcháin a neartú, go háirithe trí chur i bhfeidhm na moltaí a rianú
- infheistíocht a dhéanamh chun an smacht reachta a chaomhnú trí chistiú an Aontais le haghaidh bearta náisiúnta, mar shampla maidir leis an éilliú a chomhrac
- a chinntiú go mbeidh urraim don smacht reachta ina riachtanas do chistí an Aontais, trí nasc níos dlúithe a thógáil idir na moltaí sa Tuarascáil maidir leis an Smacht Reachta agus tacaíocht airgeadais
- a chinntiú go gcuirfear an córas ginearálta coinníollachta i bhfeidhm maidir le cistí uile an Aontais sa bhuiséad fadtéarmach a bheidh ann amach anseo
- tacú leis na meáin shaora ar fud an Aontais tríd an nGníomh Eorpach um Shaoirse na Meán a chur i bhfeidhm agus trí mhéadú a dhéanamh ar ár dtacaíocht do na meáin neamhspleácha agus d’iriseoirí neamhspleácha agus ar ár gcosaint dóibh
Chun rannpháirtíocht na saoránach a chomhtháthú i gceapadh beartas, déanfaimid an méid seo a leanas:
- réimsí beartais a roghnú go rialta ina mbeadh an luach is mó ag moltaí ó Phainéal Saoránach Eorpach ina dtaobh, agus obair leantach a dhéanamh maidir le moltaí na saoránach
- dlús a chur lenár rannpháirtíocht le heagraíochtaí na sochaí sibhialta a bhfuil saineolas agus ról tábhachtach acu maidir le saincheisteanna sochaíocha sonracha a chosaint agus cearta an duine a chaomhnú
- líonra níos mó ná 3,000 comhairleoir áitiúil a neartú chun tuiscint níos fearr a fháil ar an tionchar a bhíonn ag an Aontas ar an saol laethúil
An dul chun cinn go dtí seo
Déan monatóireacht ar dhul chun cinn tionscnamh nua, dlíthe atá beartaithe agus athruithe reachtacha faoin tosaíocht seo, lean iad, agus coinneáil cothrom le dáta leo
- Samhain 2025
Cuireadh i láthair an Sciath Eorpach don Daonlathas chun daonlathais láidre athléimneacha a chumhachtú, a chosaint agus a chur chun cinn
- Deireadh Fómhair 2025
Ghlac an Coimisiún straitéis um chomhionannas LADTIA+ 2026-2030
- Márta 2025
Leag an Coimisiún amach a threochlár maidir le cearta na mban
- Bealtaine 2024
Tháinig an Gníomh Eorpach um Shaoirse na Meán i bhfeidhm
- Aibreán 2024
D’fhormheas an tAontas rialacha nua maidir le trédhearcacht na fógraíochta polaitiúla i dtoghcháin a fheabhsú
- Nollaig 2023
Cosaint an daonlathais: mhol an Coimisiún go dtabharfaí tionchar eachtrach ceilte chun solais
I lár an aonaigh
Tá 90 milliún Eorpach faoi mhíchumas, agus tá sé riachtanach dá bharr sin cuimsiú iomlán a bhaint amach, ní hamháin chun a chinntiú go n-urramófar a gcearta, ach chun borradh a chur faoi gheilleagar agus faoi dhaonlathas na hEorpa freisin. Chuige sin, tá dlús á chur ag an gCoimisiún lena iarrachtaí trí phlean sóisialta uaillmhianach. San áireamh sa phlean tá an méid a leanas: an Cárta Míchumais Eorpach agus an Cárta Páirceála Eorpach a chur i bhfeidhm ar fud an Aontais, Comhghuaillíocht um Maireachtáil Neamhspleách a sheoladh chun tacaíocht phobalbhunaithe a chur in ionad institiúidí, feabhas a chur ar inrochtaineacht iompair agus infheistíocht a dhéanamh i dteicneolaíochtaí cúnta ar nós uirlisí intleachta saorga.
