NRK Vestland

Statens vegvesen erstattar dagens automatiske trafikkontroll med strekningsmåling i Gudvanga- og Flenjatunnelen på E16 i Vestland fylke.

Dette er for å gi betre trafikktryggleik og reduserer driftskostnader, skriv seksjonssjef Hilde Halås i Statens vegvesen i ei pressemelding.

Strekningsmålaren blir sett i drift torsdag i neste veke.

Den nye strekningsmålinga kontrollerer farten til sjåførane over ei strekning på om lag 15 km – frå vest i Gudvangatunnelen til aust i Flenjatunnelen.

Vestland fylkeskommune ber dei tilsette i Bergen om å ha heimekontor i den komande veka.

Årsaka er at det er varsla høg luftforureining også i den komande veka.

I går blei det kjent at Bergen kommune bad sine arbeidstakarar som hadde høve til det, om å ha heimekontor.

– Vestland fylkeskommune følgjer oppmodinga frå Bergen kommune, og ber om at våre tilsette i Bergen som kan nytte heimekontor, gjer det i komande veke, seier fylkesdirektør Robert Rastad i ei pressemelding.

Han legg til at dei har dialog med Bergen kommune om andre tiltal som kan reduserer trafikken og svevestøvet, som no står for mykje av luftforureininga.

Kolltveittunnelen mellom Straume og Kolltveit i Bergen er stengt.

Årsaka er ein del busker og kvist i vegbana.

– Det er truleg nokon som har mista det av ein hengar. Entreprenør er på veg for å rydde det vekk, opplyser Tom Erik Englaugstad i Vegtrafikksentralen.

Hardangervidda er open for fri ferdsel etter at kolonnekøyring.

Også på dei andre fjellovergangane er det ope, seier Tom Erik Englaugstad i Vegtrafikksentralen.

110 sentralen har fått melding om brann i gras og lyng ved Alvheimsvegen i Øygarden.

Brannvesen er på veg til staden, melder Tore Fanebust i 110 Vest.

Det er eit område på 30x30 meter som brenn.

– Brannvesenet er på staden og har starta sløkking. Det er ingen fare for at brannen kan spreie seg, skriv Fanebust i ei oppdatering klokka 09.19.

Klokka 09.48 melder brannvesenet at brannen er sløkt.