NRK utvidar korrespondentnettet

Verda har ikkje vore så uroleg sidan andre verdskrigen. For enda betre å kunne dekke dei historiske skifta og hendingane, styrker NRK sitt nærvær ute i verda. For første gong etablerer NRK ein korrespondent med ansvar for eit saksfelt – ein teknologikorrespondent som i utgangspunktet skal ha base i USA.

– Den raske teknologiske utviklinga definerer maktpolitikk og folks kvardag på ein heilt annan måte enn før. Skal vi forstå verda, må vi også forstå korleis teknologien endrar seg og korleis han påverkar. Eg gleder meg også til å utvikle ein ny type korrespondent med eigarskap til eit saksfelt, seier utanriksredaktør Sigurd Falkenberg Mikkelsen.

Asia og Europa

NRK vil etablere ein ny korrespondent i Asia for å dekke dei mest folkerike kontinenta i verda med veksande økonomiar og politisk innflytelse. NRK skal også ha ein ny korrespondent i Europa for betre å kunne dekke prosessane i EU og Brussel som definerer meir og meir av norsk politikk.

– Vi ønsker også å betre forståinga vår av utviklinga i europeisk politikk, seier Mikkelsen og legg til:

– Korrespondentnettet gir oss eit unikt høve til å ha norske journalistauge og øyre på plass rundt om i verda. Det har aldri vore viktigare å ha folk ute i felt enn nå, seier Mikkelsen.

Dei nye korrespondentane skal vere på plass i løpet av 2027. Dei tre nye korrespondentane kjem i tillegg til dei tolv korrespondentane NRK har akkurat nå.