Klokka 04.28 kom det melding om brann i bygning i Bjorhaugslettå på Nærbø. Brannvesenet var raskt på staden og fekk sløkt brannen. Det er mindre skader på bygget og uvisst kva som var årsaka til brannen.
Politiet har gjort undersøkingar og opprettar sak.
To personar fekk i natt assistanse til å kome seg ned frå turstien til Preikestolen, ettersom dei ikkje var i stand til å kome seg ned åleine. Turfølget på to kontakta politiet klokka 23.10.
Leitemannskapet kom i kontakt med personane, der den eine hadde behov for å bli frakta ned.
Klokka 03.06 meldte mannskap frå Norsk Folkehjelp at reisefølget var kome fram til parkeringsplassen ved Preikestolhytta og at personen som vart frakta på båre blei sjekka av helsepersonell.
Ei utanlandsk kvinne i 40-åra fekk seint i går kveld hjelp til å kome seg ned frå fjellet. Ho hadde tysdag gått tur ved Tronåsen i Lund og kommen seg vekk frå stien og hamna i bratt terreng. Klokka 23.00 i går vart det klart at ho trengde hjelp frå leitemannskap, som hadde tilgang på posisjonen hennar.
Klokka 03.04 i natt meldte redningsmannskap at ho var kommen seg til parkeringsplassen der ho hadde bilen sin.
