Imeachtaí a eagraíonn na FPEnna 

I suíomhanna na Parlaiminte sa Bhruiséil agus in Strasbourg araon, is féidir le Feisirí de Pharlaimint na hEorpa (FPEnna), grúpaí polaitiúla agus rúnaíocht na Parlaiminte imeachtaí nó taispeántais a eagrú. Tá rialacha éagsúla i bhfeidhm ag brath ar an suíomh agus ar cé an eagraíonn iad.

Preasagallaimh agus na meáin: Is féidir leis na Feisirí preasagallaimh a reáchtáil sa seomra preasagallaimh nó saoráidí na Parlaiminte a úsáid chun teachtaireachtaí a chraoladh nó a thaifeadadh.

Cruinnithe agus comhdhálacha: Féadfaidh na Feisirí imeachtaí a eagrú leo féin nó trína ngrúpaí polaitiúla sna seomraí cruinnithe a bhaineann leis na grúpaí polaitiúla.

Imeachtaí cultúrtha agus taispeántais: Tá na Feisirí i dteideal suas le dhá cheann in aghaidh na bliana a eagrú i limistéar poiblí na Parlaiminte, faoi réir rialacha dochta agus údarú ón gCaestóir ábhartha (FPE atá freagrach as cúrsaí riaracháin agus airgeadais a bhaineann go díreach leis na Feisirí).

Déanann Uachtarán Pharlaimint na hEorpa ionadaíocht ar an institiúid ina hiomláine agus is féidir leis nó léi imeachtaí oifigiúla a eagrú thar ceann na Parlaiminte.