Lov om omdanning av forvaltningsbedrifta Televerket til aksjeselskap.

Dato	LOV-1994-06-24-45
Departement	Samferdselsdepartementet
Ikrafttredelse	01.11.1994
Sist endret	Tatt ut NL 2014, LOV-1999-09-24-75 fra LOV-1999-10-18
Korttittel	Lov om Televerket AS

§ 1.Føremål

Føremålet med denne lova er å regulere forholdet til aksjelovgivinga,¹ eigarforholdet til aksjane og visse overgangsspørsmål i samband med omdanning av forvaltningsbedrifta Televerket til aksjeselskap.

Sjå § 2.

§ 2.Forholdet til aksjelovgivinga

Lovgivinga om aksjeselskap¹ gjeld for aksjeselskapet dersom ikkje anna følgjer av lova her.

1	Jf. asl. og asal.

§ 3.(Oppheva)

0	Oppheva med lov 24 sep 1999 nr. 75.

§ 4.Overføring av offentlege rettar m.v.

Offentlege rettar, konsesjonar, løyve m.v. som gjeld for forvaltningsbedrifta Televerket blir frå omdanningstidspunktet overført til aksjeselskapet.

Omregistrering i grunnbok¹ og andre offentlege register i samband med omdanninga skjer ved namneendring.

1	Jf. lov 7 juni 1935 nr. 2.

§ 5.Overføring av skyldnader

Overføring til aksjeselskapet av skyldnader knytt til forvaltningsbedrifta Televerket har frigjerande verknad for staten.

Kravshavarar og andre rettshavarar kan ikkje motsetje seg overføringa eller gjere gjeldande at den utgjer ein bortfallsgrunn for rettsforholdet.

§ 6.(Oppheva)

0	Oppheva med lov 24 sep 1999 nr. 75.

§ 7.Iverksetting

Lova gjeld frå den tid Kongen fastset.¹

1	Frå 1 nov 1994, etter res. 24 juni 1994 nr. 511.
1	Frå 1 nov 1994, etter res. 24 juni 1994 nr. 511.

§ 8.Endring i andre lover

Frå den tid lova tek til å gjelde, skal desse føresegnene i andre lover endrast slik: – – –