Direktør for Språkrådet, Åse Wetås, blir ny nasjonalbibliotekar, skriv Kultur- og likestillingsdepartementet i ei pressemelding.

Wetås har vore direktør i Språkrådet sidan 2015.

– Wetås har solid leiarerfaring og god forståing av samfunnsoppdraget. Eg er sikker på at Nasjonalbiblioteket er i trygge hender under hennar leiing, seier kultur- og likestillingsminister Lubna Jaffery.

Wetås, som er frå Sandnes, tar over stillinga etter Aslak Sira Myhre frå Stavanger.

Det er ikkje avgjort nøyaktig når ho skal ta over. Det var 22 søkarar til stillinga.

Sira Myhre offentliggjorde i september i fjor at han gir seg som nasjonalbibliotekar for å bli konserndirektør for kommunikasjon i Lyse.