Der ingen skulle tru at nokon kunne bu

I botnen av ein fjordarm i Tana bur 75 år gamle Charles Jensen saman med hund og to hestar, milevis frå næraste granne, utan vegsamband med omverda.

I grenda Eikemo på den veglause sida av Åkrafjorden i Sunnhordland bur to unge og ugifte geitebønder. Skal Eikemo ha ei framtid, treng dei ei kone.

I Vassvika i Sjunkfjorden, bur to fiskarfamiliar. Medan karane er på fiske, er to kvinner åleine att. Ei på 95 år og ei på 25 - som kjem frå Kina.

På Bleikøya bur Berit og Christian Gulbrandsen, dei einaste fastbuande i innsiglinga til Oslo. Ofte er dei isolerte når isen legg seg på fjorden.

På Kvebergsøya i Folldal har Martin Kjønsberg og Eris Davids, frå Tyskland, slått seg ned på ein eldgammal gard og tatt fatt på eit nytt liv.