Der ingen skulle tru at nokon kunne bu

Inger Norunn og Rainer Solhaug har omskapt ein veglaus husmannsplass i Valdres til ein eventyrgard. Her lever dei av tradisjonelt handverk og norsk natur.

Olaug Pettersen bur åleine i eit elles fråflytt fiskevær i Bjarkøy i Troms. I løpet av fire år miste ho tre av sine næraste og dei tre gravene bind henne til staden.

Magnhild Snaprud og Christoffer Christensen har teke over den nedlagde fjellgarden Listøl i Åseral i Vest-Agder. Magnhild er lærar og bruker rattkjelke når ho tek fatt på skulevegen vintersdag.

Leif Birger Hagen flytte til barndomsøya si, fiskeværet Brattværet på nordmørskysten, etter eit langt liv i fiskebåten. Han har dessutan fått seg dame, ein flamme frå ungdomsåra.

Klara og Einar Hårstad lever på fjellgarden Lysvatnet på Fosenhalvøya i Trøndelag. Avstanden til næraste nabo er 11 veglause kilometer. Jakt, fiske og friluftsliv er det som opptek Einar mest.

Lars-Erik Jacobsen bur på den veglause fjellgarden Skrepprud i Numedal. Her samlar og bevarer han gamle hus og bruksting.