Coñecemos varias técnicas de refactoring e hoxe imos ver como o noso IDE pode botarnos unha man mellorando o noso código.

O teu traballo:

Comezamos vendo todo o que VSCode fai para botarnos unha man. Fai un pequeno titorial no teu blog sobre o pouco que cómpre teclear para ter un sinxelo .java
Crea un novo ficheiro de nome  probasVSCode.java e teclea nel:

1. class e tabula ata o cadrado
2. main e tabula ata o cadrado
3. system e tabula no que conveña
4. Fai clic no Run que aparece xusto  enriba do main

Tamén VSCode  axuda a refactorizar. Védes que no menú de cando facemos clic co botón da dereita sobre o código. Por suposto a nosa axuda vai vir de:💡
Imos consultar esta páxina web sobre VSCode.

Caso 1: Poñer nome á variable

Tecleade ou copiade esta liña de código:
Arrays.asList("vermello", "laranxa", "verde");

Xa el soíño fai os import necesarios.
Aparece 💡 e escollemos asignar a variable local e xusto sae unha caixa de texto no que poñemos o nome a esa variable, eu vou poñer colorins
Vou pedir que mostre en pantalla un deses coloríns, por exemplo o de índice 2

1. Tecleo System e tabulo e borro as comiñas
2. Tecleo colorin. e tabulo e vexo que aparecen os métodos que podo usar. Escollo get e tecleo o índice 2

Caso 2: Cambio de algoritmo con mellora de bucles

Se tecleades o código da imaxe vedes que aparece 💡 se facedes clic alí ofrécevos a posibilidade de cambiar o tipo de lazo for 

Caso 3: Crear constantes

VSCode detecta que 3.14 é unha constante e propón crear unha constante á que lle podemos poñer o nome de PI

Caso 4 : Extraer método ou redución lóxica

Ofréceme a posibilidade de crear un método privado do código:

Caso 5 : Variables autoexplicativas

Se chegaches ata aquí pode que o teu ficheiro sexa parecido ao meu.

Propón ti agora outras das posibilidades de refactorizar que ofrece VSCode na súa páxina