Akkreditazzjoni għall-Ġurnalisti 

 

Ġurnalisti, fotografi u persunal awdjoviżiv mingħajr akkreditazzjoni interistituzzjonali konġunta jridu japplikaw għall-akkreditazzjoni mal-Parlament Ewropew biex jaħdmu fil-Parlament Ewropew.

Hemm żewġ tipi ta’ akkreditazzjoni disponibbli fil-Parlament Ewropew:

  • Akkreditazzjoni għal żmien qasir
  • Akkreditazzjoni annwali

Applika

Il-ġurnalisti kollha li jkollhom aċċess għall-Parlament jistgħu jużaw il-faċilitajiet previsti għall-ġurnalisti. Qabel ma tapplika, jekk jogħġbok aqra r-regoli ta' akkreditazzjoni tal-media (bl-Ingliż, bil-Franċiż, bil-Ġermaniż).


Akkreditazzjoni għal żmien qasir

L-akkreditazzjoni għal żmien qasir tiswa minn jum wieħed sa massimu ta’ ħamest ijiem ta’ xogħol.

Il-ġurnalisti li mhumiex ibbażati fi Brussell, Strasburgu jew il-Lussemburgu jistgħu jiksbu akkreditazzjoni għall-Parlament Ewropew għal laqgħa, sessjoni parzjali speċifika, jew avveniment. Tista’ tapplika għal din l-akkreditazzjoni bl-użu ta’ dan il-link li jippermettilek tirreġistra u toħloq kont personali. Link ta’ verifikazzjoni tintbgħatlek minn joureg-no-reply@europarl.europa.eu lill-email li inti tkun tajt. Ladarba l-kont ikun ġie ivvalidat, tista’ tkompli bit-talba tiegħek billi tidħol fis-sit web.

Informazzjoni meħtieġa biex tapplika għal akkreditazzjoni għal żmien qasir:

  • kopja valida tal-press card jew ittra mill-Kap Editur, il-pubblikatur jew mill-uffiċju ċentrali b’evidenza ċara li inti mibgħut minn organizzazzjoni ġurnalistika jew pubblikazzjoni speċifika, b’ġustifikazzjoni tat-talba għall-akkreditazzjoni. L-ittra jeħtieġ li tkun fuq letterhead uffiċjali u għandha tispeċifika l-isem, il-funzjoni tal-ġurnalist u l-perijodu li għalih qed tintalab l-akkreditazzjoni. M’humiex permessi awto nominazzjonijiet.
  • ritratt fil-format tal-identita’, i.e. b’ratio ta’ 3X4, format jpeg, f u +/- 100 KB.
  • il-karta tal-identità uffiċjali, li turi t-tip, in-numru u d-data tal-iskadenza
  • Raġuni taż-żjara.
  • Għall-ġurnalisti li jaħdmu għal rashom: jeħtieġ li tipprovdi prova ta’ attività ta’ ġurnalist (pereżempju, publikazzjoni reċenti li turi ismek u evidenza korrispondenti ta’ ħlas).


Ladarba akkreditazzjoni tkun ġiet appruvata, il-ġurnalisti jistgħu jiġbru l-akkreditazzjoni fl-Uffiċċju tal-akkreditazzjoni tal-midja (ara hawn taħt) għall-ħinijiet ta’ ftuħ u fejn jinsab l-uffiċċju. Il-ġurnalist ikun meħtieġ juri prova tal-identità valida.


Akkreditazzjoni annwali

L-akkreditazzjoni annwali hija valida għal sena kalendarja u tista’ tiġġedded fuq talba. Applikazzjonijiet ġodda jew applikazzjonijiet ta’ tiġdid jistgħu isiru minn Novembru għas-sena ta’ wara sa’ Ottubru tas-sena in kwistjoni.

Jekk inti ġurnalistili tirrappurta b’mod regolari l-ħidma tal-Parlament Ewropew u inti bbażat fi jew viċin Strasburgu, Brussell jew il-Lussemburgu tista’ tikkwalifika għal akkreditazzjoni annwali. L-akkreditazzjoni hija valida fit-tliet sedi tal-Parlament Ewropew (Strasburgu, Brussell u l-Lussemburgu).

L-applikazzjonijiet għandhom isiru permezz tal-website ta’ reġistrazzjoni.

Informazzjoni meħtieġa biex tapplika għal akkreditazzjoni għal żmien qasir:

  • Kopja valida tal-press card
  • Ittra mill-Kap Editur, il-pubblikatur jew mill-uffiċju ċentrali b’evidenza ċara li inti mibgħut minn organizzazzjoni ġurnalistika jew pubblikazzjoni speċifika, b’ġustifikazzjoni tat-talba għall-akkreditazzjoni. L-ittra jeħtieġ li tkun fuq letterhead uffiċjali u għandha tispeċifika l-isem, il-funzjoni tal-ġurnalist u l-perijodu li għalih qed tintalab l-akkreditazzjoni. M’humiex permessi awto nominazzjonijiet.
  • ritratt fil-format tal-identita’, i.e. b’ratio ta’ 3X4, format jpeg, f u +/- 100 KB.
  • il-karta tal-identità uffiċjali, li turi t-tip, in-numru u d-data tal-iskadenza
  • prova li r-residenza prinċipali jew sekondarja tal-applikant hija fi jew viċin wieħed mis-sedijiet uffiċjali tal-Parlament Ewropew (Brussell, Strasburgu, il-Lussemburgu). L-Evidenza ta’ tali residenza tinkludi pereżempju, kopja tal-karta tal-identitià, prova ta’ residenza, jew kuntratt ta’ kiri ta’ akkomodazzjoni.
  • Għall-ġurnalisti li jaħdmu għal rashom: jeħtieġ li tipprovdi prova ta’ attività ta’ ġurnalist (pereżempju, publikazzjoni reċenti li turi ismek u evidenza korrispondenti ta’ ħlas).


N.B. Akkreditazzjoni speċjali: Akkreditazzjoni speċjali tista’ tintalab għal ċerti avvenimenti. Tali akkreditazzjoni tista’ tkun soġġetta għal ħtiġijiet speċifiċi li jitħabbru minn qabel mill-Parlament Ewropew.


Permess għall-irrekordjar mill-media

Dawk li għandhom akkreditazzjoni interistituzzjonali jridu jiksbu permess biex ikunu awtorizzati jiffilmjaw u jieħdu ritratti fil-Parlament Ewropew. Dan il-permess jinħareġ mill-uffiċċju għall-akkreditazzjoni tal-ġurnalisti u jista’ jintalab ukoll minn qabel permezz ta’ email lil media.accreditation@ep.europa.eu. Il-ġurnalisti għandhom jiffirmaw u jimxu mar-regoli dwar l-irrekordjar mill-media fil-Parlament.


Permess għall-irrekordjar minn persuni mhux tal-media

Fotografi u operaturi tal-kameras li jkunu mistiedna mill-Membri tal-Parlament Ewropew jew mis-servizzi tal-Parlament, minn issa ‘l quddiem imsejħa “l-awtorità rikjedenti”, għal avvenimenti speċjali, xogħol ta’ komunikazzjoni u promozzjonali, għandhom jiksbu permess għall-iffilmjar li mhux tal-media. L-awtorità rikjedenti u/jew il-fotografu/operatur tal-kamera għandhom jitolbu l-permess 24 siegħa qabel permezz ta’ email lil media.accreditation@ep.europa.eu. L-applikanti jridu jiffirmaw u jimxu mar-regoli dwar l-irrekordjar. Dan il-permess ma jagħtix aċċess għall-bini tal-Parlament Ewropew. L-awtorità rikjedenti trid titlob ukoll aċċess normali tal-viżitatur. L-awtorità rikjedenti għandha r-responsabbiltà li tissorvelja l-irrekordjar u tiżgura li jiġu osservati r-regoli dwar l-irrekordjar mhux mill-media.


Uffiċċji għall-akkreditazzjoni tal-ġurnalisti: ħinijiet tal-ftuħ

Brussell: SPINELLI 01F035 - Uffiċċju għall-Akkreditazzjoni tal-Media, Ċentru Ġenerali tal-Akkreditazzjoni

It-Tnejn - il-Ħamis: 08:30 - 17:00

il-Ġimgħa: 08:30 - 13:00

Nhar ta' Ġimgħa qabel is-sessjoni plenarja: 08:30 - 17:00


Strażburgu (waqt is-sessjoni plenarja biss): WEISS N00301 - Żona tal- "Audiovisual Newsroom"

It-Tnejn: 13:00 - 19:00

It-Tlieta - L-Erbgħa: 08:00 - 19:00

Il-Ħamis: 08:00 sal-għeluq tas-sessjoni plenarja.

 

Aktar tagħrif

 Links Utli

 

Protezzjoni tad-data

Ara l-avviż dwar il-Politika ta' privatezza (bl-Ingliż, bil-Franċiż, bil-Ġermaniż).

Paġni relatati

Informazzjoni dwar il-prodott 

Ref.:  20150617SRV67416 
 

Ikkuntattjana: