iPadನಲ್ಲಿ ಸಂದೇಶಗಳನ್ನು ಬ್ಲಾಕ್ ಮಾಡುವುದು, ಫಿಲ್ಟರ್ ಮಾಡುವುದು ಮತ್ತು ವರದಿ ಮಾಡುವುದು
ನೀವು ವ್ಯಕ್ತಿಗಳನ್ನು ಬ್ಲಾಕ್ ಮಾಡಿದಾಗ, ಅಪರಿಚಿತ ಕಳುಹಿಸುವವರನ್ನು ಫಿಲ್ಟರ್ ಮಾಡಿದಾಗ ಮತ್ತು ಸ್ಪ್ಯಾಮ್ ಅಥವಾ ಜಂಕ್ ಸಂದೇಶಗಳನ್ನು ವರದಿ ಮಾಡಿದಾಗ ನೀವು ಸ್ವೀಕರಿಸುವ ಅನಗತ್ಯ ಪಠ್ಯ ಸಂದೇಶಗಳ ಸಂಖ್ಯೆಯನ್ನು ಕಡಿಮೆ ಮಾಡಬಹುದು.
ಗಮನಿಸಿ: ನೀವು ಸಂಪರ್ಕ ಆ್ಯಪ್ಗೆ ಸೇರಿಸಿದ ಅಥವಾ ಸಂದೇಶ ಕಳುಹಿಸಿದ ಯಾವುದೇ ವ್ಯಕ್ತಿಯು ಪರಿಚಿತ ಕಳುಹಿಸುವವರಾಗಿದ್ದಾರೆ.
ನಿರ್ದಿಷ್ಟ ವ್ಯಕ್ತಿ ಅಥವಾ ಫೋನ್ ಸಂಖ್ಯೆಯಿಂದ ಬರುವ ಸಂದೇಶಗಳನ್ನು ಬ್ಲಾಕ್ ಮಾಡಿ
ನೀವು ನಿರ್ದಿಷ್ಟ ಸಂಪರ್ಕ ಅಥವಾ ಫೋನ್ ಸಂಖ್ಯೆಯನ್ನು ಬ್ಲಾಕ್ ಮಾಡಿದಾಗ, ಆ ವ್ಯಕ್ತಿ ಅಥವಾ ಸಂಖ್ಯೆಯಿಂದ ಬರುವ ಸಂದೇಶಗಳನ್ನು ಡೆಲಿವರ್ ಮಾಡಲಾಗುವುದಿಲ್ಲ. (ಸಂದೇಶವನ್ನು ಕಳುಹಿಸುವ ವ್ಯಕ್ತಿಗೆ ಅವರ ಸಂದೇಶಗಳನ್ನು ಬ್ಲಾಕ್ ಮಾಡಲಾಗಿದೆ ಎಂಬುದು ತಿಳಿದಿರುವುದಿಲ್ಲ.)
ನಿಮ್ಮ iPadನಲ್ಲಿರುವ ಸಂದೇಶ ಆ್ಯಪ್ಗೆ
ಹೋಗಿ.ಸಂದೇಶ ಆ್ಯಪ್ನ ಸಂಭಾಷಣೆಯಲ್ಲಿ, ಸಂಭಾಷಣೆಯ ಮೇಲ್ಭಾಗದಲ್ಲಿರುವ ಹೆಸರು ಅಥವಾ ಸಂಖ್ಯೆಯನ್ನು ಟ್ಯಾಪ್ ಮಾಡಿ.
ಮಾಹಿತಿ
ಅನ್ನು ಟ್ಯಾಪ್ ಮಾಡಿ, ಕೆಳಕ್ಕೆ ಸ್ಕ್ರೋಲ್ ಮಾಡಿ, ನಂತರ ಈ ಕರೆಮಾಡುವವರನ್ನು ಬ್ಲಾಕ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.
ಸಲಹೆ: ಒಂದು ಗುಂಪು ಸಂಭಾಷಣೆಯಲ್ಲಿನ ಸಂದೇಶ ಕಳುಹಿಸುವ ಎಲ್ಲರನ್ನೂ ಬ್ಲಾಕ್ ಮಾಡುವ ಬದಲು, ನೀವು ಅದನ್ನು ತೊರೆಯಬಹುದು ಅಥವಾ ಅದರ ನೋಟಿಫಿಕೇಷನ್ಗಳನ್ನು ನಿಲ್ಲಿಸಬಹುದು.
ನಿಮಗೆ ಈಗಲೂ ಅನಗತ್ಯ ಸಂದೇಶಗಳಿಂದ ತೊಂದರೆಯಾಗುತ್ತಿದ್ದರೆ, Apple ಬೆಂಬಲ ಲೇಖನವಾದ ನಿಮ್ಮ iPhone ಅಥವಾ iPadನಲ್ಲಿ ಫೋನ್ ಸಂಖ್ಯೆಗಳು, ಸಂಪರ್ಕಗಳು ಮತ್ತು ಈಮೇಲ್ಗಳನ್ನು ಬ್ಲಾಕ್ ಮಾಡಿ ಎಂಬುದನ್ನು ಓದಿ.
ಅಪರಿಚಿತ ಕಳುಹಿಸುವವರಿಂದ ಬರುವ ಸಂದೇಶಗಳನ್ನು ಫಿಲ್ಟರ್ ಮಾಡಿ
iMessage ಮೂಲಕ, ಅಪರಿಚಿತ ಕಳುಹಿಸುವವರು ನಿಮಗೆ ನೇರವಾಗಿ ಸಂದೇಶ ಕಳುಹಿಸುವುದನ್ನು ನೀವು ತಡೆಗಟ್ಟಬಹುದು. ಅವರ ಸಂದೇಶಗಳನ್ನು ಮತ್ತೊಂದು ಫೋಲ್ಡರ್ಗೆ ಫಿಲ್ಟರ್ ಮಾಡಲಾಗುತ್ತದೆ, ಮತ್ತು ನಿಮಗೆ ಅವುಗಳ ಕುರಿತು ಸೂಚನೆಯನ್ನು ನೀಡಲಾಗುವುದಿಲ್ಲ.
ಸೆಟ್ಟಿಂಗ್ ಆ್ಯಪ್
> ಆ್ಯಪ್ಗಳು > ಸಂದೇಶ ಆ್ಯಪ್ ಎಂಬಲ್ಲಿಗೆ ಹೋಗಿ.ಸಂದೇಶ ಫಿಲ್ಟರ್ ಮಾಡುವಿಕೆಗೆ ಹೋಗಲು ಕೆಳಕ್ಕೆ ಸ್ಕ್ರಾಲ್ ಮಾಡಿ, ನಂತರ ಅಪರಿಚಿತ ಕಳುಹಿಸುವವರನ್ನು ಫಿಲ್ಟರ್ ಮಾಡಿ ಎಂಬುದನ್ನು ಆನ್ ಮಾಡಿ.
ಈ ಸೆಟ್ಟಿಂಗ್ ಆನ್ ಆಗಿದ್ದರೆ ಮತ್ತು ನಿಮಗೆ ಸಂದೇಶವೊಂದು ಕಾಣುತ್ತಿಲ್ಲವಾದರೆ, ಅದನ್ನು ‘ಅಪರಿಚಿತ ಕಳುಹಿಸುವವರು’ ಎಂಬುದಕ್ಕೆ ಫಿಲ್ಟರ್ ಮಾಡಲಾಗಿದೆಯೇ ಎಂದು ಪರಿಶೀಲಿಸಿ. ಸ್ಕ್ರೀನ್ನ ಮೇಲಿನ ಎಡ ಮೂಲೆಯಲ್ಲಿರುವ 
ಅನ್ನು ಟ್ಯಾಪ್ ಮಾಡಿ, ನಂತರ ಅಪರಿಚಿತ ಕಳುಹಿಸುವವರು ಎಂಬುದನ್ನು ಟ್ಯಾಪ್ ಮಾಡಿ.
ಗಮನಿಸಿ: ನೀವು ಅಪರಿಚಿತ ಕಳುಹಿಸುವವರನ್ನು ನಿಮ್ಮ ಸಂಪರ್ಕಗಳಿಗೆ ಸೇರಿಸುವ ಮೂಲಕ ಅಥವಾ ಅವರ ಸಂದೇಶಕ್ಕೆ ಪ್ರತ್ಯುತ್ತರಿಸುವ ಮೂಲಕ ಪರಿಚಿತ ಕಳುಹಿಸುವವರನ್ನಾಗಿ ಮಾಡಬಹುದು. ಅಲ್ಲಿಯವರೆಗೆ ಅವರು ಕಳುಹಿಸಿದ ಯಾವುದೇ ಲಿಂಕ್ಗಳನ್ನು ತೆರೆಯಲು ನಿಮಗೆ ಸಾಧ್ಯವಾಗುವುದಿಲ್ಲ.
ಸ್ಪ್ಯಾಮ್ ಅಥವಾ ಜಂಕ್ ಸಂದೇಶಗಳನ್ನು ವರದಿ ಮಾಡಿ
ನೀವು iMessage ಅನ್ನು ಬಳಸುವಾಗ ನೀವು ಸ್ಪ್ಯಾಮ್ ಅಥವಾ ಜಂಕ್ ಸಂದೇಶಗಳನ್ನು Appleಗೆ ವರದಿ ಮಾಡಬಹುದು—ವರದಿಯು ಕಳುಹಿಸುವವರ ಮಾಹಿತಿ ಮತ್ತು ಸಂದೇಶವನ್ನು ಒಳಗೊಂಡಿರುತ್ತದೆ. ನಿಮ್ಮ ನೆಟ್ವರ್ಕ್ ಪೂರೈಕೆದಾರರು ಮತ್ತು ದೇಶ ಅಥವಾ ಪ್ರದೇಶವನ್ನು ಅವಲಂಬಿಸಿ, ನೀವು ಸ್ವೀಕರಿಸುವ ಸ್ಪ್ಯಾಮ್ ಅನ್ನು SMS, MMS, ಅಥವಾ RCS ಮೂಲಕ ವರದಿ ಮಾಡುವುದರಿಂದ ಈ ಮಾಹಿತಿಯನ್ನು ನಿಮ್ಮ ನೆಟ್ವರ್ಕ್ ಪೂರೈಕೆದಾರರು ಮತ್ತು ಅದರ ಅಂಗಸಂಸ್ಥೆಗಳೊಂದಿಗೆ ಹಂಚಿಕೊಳ್ಳಬಹುದು.
ನಿಮ್ಮ iPadನಲ್ಲಿರುವ ಸಂದೇಶ ಆ್ಯಪ್ಗೆ
ಹೋಗಿ.ಈ ಕೆಳಗಿನವುಗಳಲ್ಲಿ ಒಂದನ್ನು ಮಾಡಿ:
ನೀವು ಸಂದೇಶವನ್ನು ತೆರೆದಿರದಿದ್ದರೆ: ಸಂದೇಶದ ಮೇಲೆ ಎಡಕ್ಕೆ ಸ್ವೈಪ್ ಮಾಡಿ,
ಅನ್ನು ಟ್ಯಾಪ್ ಮಾಡಿ, ನಂತರ ಡಿಲೀಟ್ ಮಾಡಿ ಮತ್ತು ಜಂಕ್ ಎಂದು ವರದಿ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.ನೀವು ಸಂದೇಶವನ್ನು ಈಗಾಗಲೇ ತೆರೆದಿದ್ದರೆ: ಯಾವುದೇ ಅಪರಿಚಿತ ಕಳುಹಿಸುವವರಿಂದ ಬಂದ ಯಾವುದೇ ಸಂದೇಶದ ಕೆಳಭಾಗದಲ್ಲಿ ಜಂಕ್ ಅನ್ನು ವರದಿ ಮಾಡಿ ಎಂಬ ಲಿಂಕ್ ಕಾಣಿಸಿಕೊಳ್ಳುತ್ತದೆ. “ಜಂಕ್ ಎಂದು ವರದಿ ಮಾಡಿ” ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಡಿಲೀಟ್ ಮಾಡಿ ಮತ್ತು ಜಂಕ್ ಎಂದು ವರದಿ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ.
ಗಮನಿಸಿ: ನೀವು ಸಂದೇಶಕ್ಕೆ ಪ್ರತ್ಯುತ್ತರಿಸಿದ ನಂತರ ಅದನ್ನು ವರದಿ ಮಾಡಲು ನಿಮಗೆ ಸಾಧ್ಯವಾಗುವುದಿಲ್ಲ.
ಸ್ಪ್ಯಾಮ್ ಅಥವಾ ಜಂಕ್ ಸಂದೇಶಗಳನ್ನು ವರದಿ ಮಾಡುವ ಆಯ್ಕೆಯು ನಿಮಗೆ ಕಾಣಿಸದಿದ್ದರೆ (ನಿಮ್ಮ iPhoneನಿಂದ ಫಾರ್ವರ್ಡ್ ಮಾಡಲಾಗಿದ್ದು ನೀವು SMS, MMS ಅಥವಾ RCS ಮೂಲಕ ಸ್ವೀಕರಿಸಿರುವುದು): ನಿಮ್ಮ ನೆಟ್ವರ್ಕ್ ಪೂರೈಕೆದಾರರನ್ನು ಸಂಪರ್ಕಿಸಿ. iPhoneಗೆ ವೈರ್ಲೆಸ್ ನೆಟ್ವರ್ಕ್ ಪೂರೈಕೆದಾರರ ಬೆಂಬಲ ಮತ್ತು ಫೀಚರ್ಗಳು ಎಂಬ Apple ಬೆಂಬಲ ಲೇಖನವನ್ನು ನೋಡಿ.
ನೀವು ಸಂದೇಶವನ್ನು iMessage ಮೂಲಕ ಸ್ವೀಕರಿಸಿದ್ದರೆ, ಕಳುಹಿಸಿದವರ ಮಾಹಿತಿಯೊಂದಿಗೆ ಅದನ್ನು Appleಗೆ ಕಳುಹಿಸಲಾಗುತ್ತದೆ ಮತ್ತು ಆ ಸಂದೇಶವನ್ನು ನಿಮ್ಮ iPadನಿಂದ ಶಾಶ್ವತವಾಗಿ ಡಿಲೀಟ್ ಮಾಡಲಾಗುತ್ತದೆ.
ನೀವು ಆಕಸ್ಮಿಕವಾಗಿ ಸಂದೇಶಗಳನ್ನು ವರದಿ ಮಾಡಿ ಡಿಲೀಟ್ ಮಾಡಿದ್ದರೆ, ನೀವು ಅವುಗಳನ್ನು ರಿಕವರ್ ಮಾಡಬಹುದು.
ಜಂಕ್ ಅಥವಾ ಸ್ಪ್ಯಾಮ್ ಅನ್ನು ವರದಿ ಮಾಡುವುದರಿಂದ, ಕಳುಹಿಸುವವರು ಸಂದೇಶಗಳನ್ನು ಕಳುಹಿಸುವುದನ್ನು ತಡೆಗಟ್ಟಲಾಗುವುದಿಲ್ಲ, ಆದರೆ ನೀವು ಅವುಗಳನ್ನು ಸ್ವೀಕರಿಸುವುದನ್ನು ನಿಲ್ಲಿಸಲು ಆ ಸಂಖ್ಯೆಯನ್ನು ಬ್ಲಾಕ್ ಮಾಡಬಹುದು.
ಹೊಸ ಸಂಖ್ಯೆಗಳಿಂದ ಬರುವ ಸ್ಪ್ಯಾಮ್ ಅಥವಾ ಜಂಕ್ ಸಂದೇಶಗಳನ್ನು ಕಡಿಮೆ ಮಾಡಲು, ನೀವು ಅವುಗಳನ್ನು ಫಿಲ್ಟರ್ ಮಾಡಬಹುದು. ಮೇಲಿರುವ ಅಪರಿಚಿತ ಕಳುಹಿಸುವವರಿಂದ ಬರುವ ಸಂದೇಶಗಳನ್ನು ಫಿಲ್ಟರ್ ಮಾಡಿ ಅನ್ನು ನೋಡಿ.
ನೀವು ಯಾರನ್ನು ಬ್ಲಾಕ್ ಮಾಡಿದ್ದೀರಿ ಎಂಬುದನ್ನು ಪರಿಶೀಲಿಸುವುದು
ನೀವು ಯಾರಾದರೂ ಒಬ್ಬರ ಸಂದೇಶಗಳನ್ನು ಸ್ವೀಕರಿಸದಿದ್ದರೆ, ಅವರು ನಿಮ್ಮ ಬ್ಲಾಕ್ ಮಾಡಲಾದ ಸಂಪರ್ಕಗಳಲ್ಲಿದ್ದಾರೆಯೇ ಎಂಬುದನ್ನು ನೀವು ಪರಿಶೀಲಿಸಬಹುದು. ಸ್ವೀಕೃತದಾರರಿಗೆ ಅವರನ್ನು ಬ್ಲಾಕ್ ಮಾಡಲಾಗಿದೆ ಎಂಬುದನ್ನು ಕಂಡುಹಿಡಿಯಲು ಸಾಧ್ಯವಾಗುವುದಿಲ್ಲ.
ಸೆಟ್ಟಿಂಗ್ ಆ್ಯಪ್
> ಆ್ಯಪ್ಗಳು > ಸಂದೇಶ ಆ್ಯಪ್ ಎಂಬಲ್ಲಿಗೆ ಹೋಗಿ.ಬ್ಲಾಕ್ ಮಾಡಲಾದ ಸಂಪರ್ಕಗಳನ್ನು ಟ್ಯಾಪ್ ಮಾಡಿ, ನಂತರ ಈ ಕೆಳಗಿನವುಗಳಲ್ಲಿ ಯಾವುದಾದರೂ ಒಂದನ್ನು ಮಾಡಿ:
ನೀವು ಬ್ಲಾಕ್ ಮಾಡಿದ ಸಂಖ್ಯೆಯೊಂದನ್ನು ಅನ್ಬ್ಲಾಕ್ ಮಾಡಿ: ಪಟ್ಟಿಯಲ್ಲಿರುವ ಸಂಖ್ಯೆಯೊಂದರ ಮೇಲೆ ಎಡಕ್ಕೆ ಸ್ವೈಪ್ ಮಾಡಿ, ನಂತರ ಅನ್ಬ್ಲಾಕ್ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ. ಅಥವಾ “ಎಡಿಟ್ ಮಾಡಿ” ಎಂಬುದನ್ನು ಟ್ಯಾಪ್ ಮಾಡಿ, ನಂತರ
ಅನ್ನು ಟ್ಯಾಪ್ ಮಾಡಿ.ಹೆಚ್ಚುವರಿ ಸಂಪರ್ಕಗಳು ಅಥವಾ ಸಂಖ್ಯೆಗಳನ್ನು ನೇರವಾಗಿ ಪಟ್ಟಿಗೆ ಸೇರಿಸಿ: ಕೆಳಕ್ಕೆ ಸ್ಕ್ರೋಲ್ ಮಾಡಿ, ನಂತರ ಹೊಸದನ್ನು ಸೇರಿಸಿ ಎಂಬುದನ್ನು ಟ್ಯಾಪ್ ಮಾಡಿ.
ವ್ಯವಹಾರದ ಅಲರ್ಟ್ಗಳನ್ನು ಆಫ್ ಮಾಡಿ
ನಿಮ್ಮ ಆರ್ಡರ್ಗಳು ಮತ್ತು ಇತರ ವಹಿವಾಟುಗಳ ಕುರಿತಾದ ಅಪ್ಡೇಟ್ಗಳನ್ನು ಸ್ವೀಕರಿಸುವ ಆಯ್ಕೆಯನ್ನು ನೀವು ಆರಿಸಿಕೊಂಡಿದ್ದರೆ, ಅವುಗಳ ಕುರಿತಾದ ಅಲರ್ಟ್ಳು ಮತ್ತು ಅಪ್ಡೇಟ್ಗಳನ್ನು ಕೆಲವು ವ್ಯಾಪಾರಗಳು ಕಳುಹಿಸುತ್ತವೆ—ಉದಾಹರಣೆಗೆ, “ನಿಮ್ಮ ಆರ್ಡರ್ ಅನ್ನು ನಾವು ಸ್ವೀಕರಿಸಿದ್ದೇವೆ” ಅಥವಾ “ಆರ್ಡರ್ ಶಿಪ್ಪಿಂಗ್”. ನೀವು ಇವುಗಳನ್ನು ಆಫ್ ಮಾಡಬಹುದು.
ಸೆಟ್ಟಿಂಗ್ ಆ್ಯಪ್
> ಆ್ಯಪ್ಗಳು > ಸಂದೇಶ ಆ್ಯಪ್ ಎಂಬಲ್ಲಿಗೆ ಹೋಗಿ.Apple Messages for Business ಅನ್ನು ಆಫ್ ಮಾಡಲು, ವ್ಯಾಪಾರದ ಸಂದೇಶಗಳನ್ನು ಟ್ಯಾಪ್ ಮಾಡಿ, ನಂತರ ವ್ಯಾಪಾರದ ಅಪ್ಡೇಟ್ಗಳನ್ನು ಆಫ್ ಮಾಡಿ.
ನೀವು ಸಂದೇಶವನ್ನು ಸ್ವೀಕರಿಸಿದಾಗ ಅದನ್ನು ಜಂಕ್ ಎಂದು ವರದಿ ಕೂಡ ಮಾಡಬಹುದು. ಸಂಭಾಷಣೆಯಲ್ಲಿ “ಜಂಕ್ ಎಂದು ವರದಿ ಮಾಡಿ” ಎಂಬುದನ್ನು ಟ್ಯಾಪ್ ಮಾಡಿ, ನಂತರ ಡಿಲೀಟ್ ಮಾಡಿ ಮತ್ತು ಜಂಕ್ ಎಂದು ವರದಿ ಮಾಡಿ ಎಂಬುದನ್ನು ಟ್ಯಾಪ್ ಮಾಡಿ. ಸಂಭಾಷಣೆಯ ಮೇಲ್ಭಾಗದಲ್ಲಿರುವ ಕಳುಹಿಸುವವರನ್ನು ಟ್ಯಾಪ್ ಮಾಡಿ ಮತ್ತು ಅಲರ್ಟ್ಗಳನ್ನು ಮರೆಮಾಡಿ ಎಂಬುದನ್ನು ಆನ್ ಮಾಡಿ.
Apple Messages for Business ಮತ್ತು ಗೌಪ್ಯತೆ ಎಂಬುದನ್ನು ನೋಡಿ.
ನೀವು ವರದಿ ಮಾಡಬಹುದಾದ ಮತ್ತು ಅನಗತ್ಯ ಸಂದೇಶಗಳನ್ನು ತಡೆಗಟ್ಟಬಹುದಾದ ಇತರ ವಿಧಾನಗಳ ಕುರಿತು ಇನ್ನಷ್ಟು ತಿಳಿಯಲು ಫಿಶಿಂಗ್ ಸಂದೇಶಗಳು, ನಕಲಿ ಬೆಂಬಲ ಕರೆಗಳು ಮತ್ತು ಇತರ ವಂಚನೆಗಳನ್ನು ಗುರುತಿಸಿ ಮತ್ತು ತಪ್ಪಿಸಿ ಎಂಬ Apple ಬೆಂಬಲ ಲೇಖನವನ್ನು ನೋಡಿ.