DFØ lønnsforhandlingar

Om systemet Lokale lønnsforhandlingar 

Lokale lønnsforhandlingar skal gi heilskapleg støtte til forhandlingspartane under lokale lønnsforhandlingar i staten. Systemet bidreg til ein meir effektiv prosess med høgare kvalitet, og gir ein brukarvennleg og trygg måte å gjennomføre lokale forhandlingar i verksemda på.

Systemet blir levert som ei heilskapleg løysing, med fleksibilitet og konfigurasjon som blir gjort av verksemda sjølv. Løysinga støttar den einskilde verksemda sin forhandlingspraksis innanfor rammene av gjeldande lovverk.

Webinar

Opptak av webinar om DFØ lønnsforhandlingar halde 19. desember 2024.

Opptak av webinar om DFØ lønnsforhandlingar halde 22. april. Merk at DFØ har vidareutvikla systemløysinga etter opptaket. Ny funksjonalitet vil derfor ikkje vere synleg i opptaket.

Kundeopptak

I 2025 har 61 verksemder av ulik storleik og frå ulike sektorar teke i bruk systemløysinga.

Det er framleis stor interesse for løysinga, og vi arbeider no med opptak av kundar for 2026.

Talet på kundar som kan ta i bruk systemet Lokale lønnsforhandlingar, er avgrensa kvart år.

Om de ikkje har meldt interesse tidlegare, kan de gjere det på e-post til [email protected].
Merk førespurnaden med «Interesse DFØ lønnsforhandlingar».

Informasjonsdokument

Det er utarbeidd eit informasjonsdokument som kundar kan bruke i sine interne avgjerdsprosessar. Dokumentet inneheld informasjon om mellom anna kostnader, funksjonalitet, teknisk arkitektur og roller i systemet.

Kontakt [email protected] dersom de ønsker dokumentet tilsendt. Merk førespurnaden med «Informasjonsdokument DFØ lønnsforhandlingar».

Dokumentet er unnateke offentleg innsyn og skal ikkje delast eksternt utan godkjenning av DFØ.

Kostnader

Systemet for lokale lønnsforhandlingar er ei valfri tilleggsteneste. Kostnadsmodellen består av følgande kostnadselement:

• Implementering:  Dette er ein eingongskostnad knytt til teknisk oppsett og klargjering av løysinga hos kunden, og dekker DFØ sin ressursbruk. DFØ tilbyr opplæring og gjennomgang av systemet for superbrukarar i verksemda.
• Drift og forvaltning: Dette er ein årleg kostnad for drift og forvaltning av systemet. DFØ skal sikre at løysinga er tilgjengeleg og oppdatert, og gi brukarstøtte til kunden sine superbrukare.
• Lisensar: Systemet har ein årleg lisenspris per brukar. Denne dekker løpande vedlikehald og vidareutvikling av systemet. Lisensprisar blir regulerte årleg.

Opplæring

DFØ tilbyr årleg opplæring for superbrukarar i verksemder som tek i bruk DFØ lønnsforhandlingar.

Opplæring av superbrukarar i samband med kundeopptak er inkludert i implementeringskostnaden. Deltaking utover det første året medfører ein kostnad per påmeld superbrukar.

Ein superbrukar er ein person som har ansvar for intern opplæring og brukarstøtte i verksemda.

DFØ tilbyr også opplæring og informasjon om systemet gjennom eigne brukarforum og webinar. Informasjon om dette blir publisert i kundenotat med eiga påmelding.

Ønsker du meir informasjon?   

Om du vil vite meir eller har spørsmål om systemet, kontakt oss på e-post [email protected].