Framsida

Søre Øyane barneskule
Røtingavegen 45
5216 LEPSØY

Tlf: 56575970
SFO: 907 05 225 


E-post: postsos@bjornafjorden.kommune.no
Kontaktskjema

Skulehelsetenesten
Helsesjukepleiar: Anne Marie Skjælaaen Ytredal
E-post: anmy@bjornafjorden.kommune.no
Til stades: tysdag og torsdag
Mobil: 91000409

 
Søre Øyane barneskule har som mål at heimen i samarbeid med skulen skal arbeida for å gje trygge og positive læringstilhøve for alle elevar på skulen. 
Ordensreglane peikar på nokre viktige forhold som skal gjera det greitt på skulen for alle.

1. Alle skal vera høflege mot kvarandre. Ingen skal nytta uakseptabelt språk som banning, trugsmål eller sjikane.
2. Alle skal få gå i fred til og frå skulen.
3. Alle skal møta til rett tid og ha med seg det utstyret som trengst. Dersom du kjem for seint eller av andre grunnar uteblir frå undervisninga må denne tida takast att.
4. Er eleven borte frå skulen, må føresette straks gje melding til skulen.
5. Dersom du syklar til skulen, skal du bruka godkjend sykkel og hjelm. Det er foreldra sitt ansvar å sjå til dette.
6. I friminutta skal alle elevane vera ute dersom ikkje anna er avtalt. Elevane skal retta seg etter det som blir sagt av dei vaksne som har inspeksjon.
7. All leik med ball og leikar som treng stor plass, skal foregå på tilvist plass.
8. Leiking som kan vera til fare for nokon som t.d. snøballkasting, ”dynking”
   og leikeslåsting, skal vi lata vera.
9. Elevar som skal gå utanfor skuleområdet må ha løyve frå lærar.
10. Vi oppmodar om at mobiltelefonar skal liggja heime. Har du mobilen med på skulen skal den liggja i ranselen, vera avslått og ikkje nyttast i skuletida.
11. Vi har alle ansvar for å ta vare på bygningar, utstyr, innbu og skuleområdet.
12. Skulen og skuleområdet er tobakk- og rusfri sone. Det er difor forbode å ta med og bruka tobakk og/eller rusmiddel. Dette gjeld ved alle arrangement på skulen og/eller på skule-området for elevar, tilsette og foreldre/føresette.

Dersom du bryt ordensreglane, forstyrrar i timane eller er til plage på annan måte, kan skulen nytta følgjande sanksjonar:

1. Tilsnakk eller merknad frå lærar og/eller barnerettleiar.
2. Melding til heimen.
3. Møte med elev, føresette og lærar/rektor.
4. Bortvising frå undervisning med umiddelbar verknad.
   Foreldra kan bli kontakta for å måtte henta eleven straks.

Søre Øyane barneskule arbeider heile tida for at elevane skal utvikla seg positivt innanfor målområda; samarbeid, respekt og toleranse, kreativitet, ansvar for eiga læring og medansvar for arbeidsmiljøet. I samarbeid med foreldre og lærarar, har elevane ansvar for å læra, forstå og ta på alvor både målformuleringane og kriteria for desse målområda.