â Utprøvinga av Pasientens prøvesvar markerer eit viktig steg i retning av ein meir samanhengande og brukarvennleg helseteneste, seier Lucie Aunan, divisjonsdirektør i Helsedirektoratet.
Pasientens prøvesvar er no i utprøving og vil gradvis rullast ut til fleire helseverksemder. Dette betyr at viss innbyggjarane har teke blodprøver, røntgen eller andre testar på sjukehus eller privat verksemd vil dei etter kvart kunna sjå resultata ved å logga inn på Helsenorge. Samtidig får helsepersonell betre tilgang til relevante prøvesvar, uavhengig av kvar analyse eller undersøking er teken.
Trygg og god helsehjelp
Deling av prøvesvar mellom helsepersonell er spesielt viktig i akutte situasjonar, som på legevakt eller sjukehus. Berre helsepersonell med tjenstleg behov har lov til å sjå prøvesvara. Dei må autentisera seg sikker måte, og all tilgang blir registrert.
På Helsenorge kan innbyggjar avgrensa kven som får tilgang til prøvesvara og reservera seg mot at prøvesvara blir lagra. Innbyggjarar kan sjå kven som har sett prøvesvara i "logg over bruk" på Helsenorge.
â Gjennom tenesta vil innbyggjarar fÃ¥ enklare tilgang til prøvesvara sine og dei slepper forhÃ¥pentleg Ã¥ ta fleire prøver enn nødvendig, seier Bodil Rabben, divisjonsdirektør innbyggjar i Norsk helsenett. Norsk helsenett har ansvaret for utprøvinga.
Gradvis innføring
Tjenesten vil bli innført gradvis i helse- og omsorgstenesta. Tilgang til prøvesvara kan variera fordi sjukehus, fastlegar, laboratorium og kommunale helsetenesta er på ulike stadium i utprøvinga. Det vil derfor ikkje vera alle som ser prøvesvara sine på Helsenorge. Tenesta blir prøvd ut i 2025 for å evaluera korleis ho fungerer for helsepersonell og innbyggjarar og ho blir justert basert på erfaringar frå både helsepersonell og innbyggjarar.
Inkluderte fagområde i prøvesvartenesta
Prøver frå totalt åtte fagområde vil på sikt bli inkluderte i tenesta, ved oppstart er det desse fagområda:
- Medisinsk biokjemi
- Medisinsk mikrobiologi
- Farmakologi
- Immunologi
- Radiologi
- Nukleærmedisin
Tjenesten inneheld berre prøvesvar som skal brukast til formål helsehjelp. Det vil seia at resultata frå analysar eller undersøkingar blir brukte som grunnlag for å vurdera helsa til pasienten og for å gi rett behandling, råd eller oppfølging.
Utsett innsyn i prøvesvar for innbyggjar
Nokre av prøvesvara blir ikkje tilgjengelege for pasienten straks etter at dei er klare. Dette kan vera fordi helsepersonell må vurdera resultata først, eller at prøvesvara er av ein slik karakter at pasienten treng råd og rettleiing. Det gjeld i hovudtrekk analysar og undersøkingar som kan gi svar av ein alvorleg karakter og kan gjelda mellom anna bilet- og kreftdiagnostikk og medisinsk genetikk.
- Innbyggjarar kan lesa meir om prøvesvartenesta på: Prøvesvar på Helsenorge.
- Helsepersonell finn meir informasjon om utprøving av tenesta på: Pasientens prøvesvar på nhn.no