Sandra Bruflot er ein norsk politikar for Høgre som 2021–2025 var stortingsrepresentant frå Buskerud. Ho stilte til attval i 2025, men mista mandatet sitt og er frå 2025 vararepresentant. Ho var leiar i Unge Høgre 2018–2020.
Sandra Bruflot kjem frå Lier og har studert til lærar ved Høgskolen i Oslo og Akershus (no OsloMet).
Bruflot var leiar i Lier Unge Høgre 2010–2011, leiar i Buskerud Unge Høgre 2012–2014 og nestleiar i sentralstyret frå 2014 til ho blei leiar i 2018. I fleire saker, som til dømes abortsaka, gav ho som leiar for Unge Høgre klar melding om at ungdomspartiet ikkje var på linje med moderpartiet Høgre. Bruflot vurderte å gi seg i politikken, men tok over leiinga av Unge Høgre då den tidlegare leiaren trekte seg etter varslingar om seksuell trakassering. Ho gjekk av som leiar i 2020.
I perioden 2011–2015 var ho medlem av Lier kommunestyre, og frå 2014 var ho medlem av Høgres likestillingspolitiske utval. Ho var medlem av fylkestinget i Buskerud 2015–2019 og av fylkestinget i Viken 2019–2023. Bruflot var vararepresentant til Stortinget for Høgre frå Buskerud i perioden 2013–2017.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.