Himanshu Gulati er ein norsk politikar for Framstegspartiet (Frp) som er stortingsrepresentant for Akershus sidan 2017. Han var formann i Framstegspartiets Ungdom (FpU) frå 2012 til 2014 og statssekretær i regjeringa Solberg frå 2013 til 2017.
Himanshu Gulati
Faktaboks
Himanshu Gulati
- Fødd
- 16. juni 1988, Førde, Sogn og Fjordane
Bakgrunn
Himanshu Gulati har norsk-indisk bakgrunn og er fødd i Førde. Han studerte medisin ved Universitetet i Oslo, men avslutta studiet og reiste til Mumbai i India for å studere filmskaping. Han tok ein bachelorgrad i økonomi og leiing ved Handelshøyskolen BI 2010.
Politisk karriere
Han var nestleiar i FpU i 2010–2012 og leiar i FpU i 2012–2014. Gulati var medlem av Skedsmo kommunestyre 2007–2019.
I 2010–2012 var han byrådssekretær for helse- og eldreomsorg i Oslo og arbeidde som politisk rådgivar for Framstegspartiet si gruppe på Stortinget. Gulati var vararepresentant til Stortinget 2009–2017. Han er sidan 2017 stortingsrepresentant frå Akershus.
Gulati var statssekretær i Justis- og beredskapsdepartementet 2013–2014, ved Statsministerens kontor 2014–2017 og ved Kulturdepartementet 2016–2017. Politisk arbeider han mellom anna for strengare innvandringspolitikk og lågare skattar.
Kommentarar
Kommentarar til artikkelen blir synleg for alle. Ikkje skriv inn sensitive opplysningar, for eksempel helseopplysningar. Fagansvarleg eller redaktør svarar når dei kan. Det kan ta tid før du får svar.
Du må vere logga inn for å kommentere.