Åsmund er eit mannsnamn som går tilbake til det norrøne Ás-mundr. I dette toledda namnet tyder forleddet ‘gud’ og etterleddet ‘vern; vernar’.
Namnet har fleire variantar: Asmund, Asmunn, Osmund, Åsmund, Aasmund.
Namnedag er 6. april. Asmund har også namnedag denne dagen.
Kjende personar med namnet Åsmund
Eit utval personar med namnet Aasmund, og som er omtalt i Store norske leksikon:
- Aasmund Olavsson Vinje (1818–1870)
- Aasmund Halvorsen Vinje (1851–1917)
- Aasmund Esval (1889–1971)
- Åsmund Sveen (1910–1963)
- Aasmund Brynildsen (1917–1974)
- Aasmund Dale (1927–2007)
- Roald Aasmund Bye (1928–2003)
- Åsmund Forfang (1952)
- Åsmund Thorkildsen (1954)
- Aasmund Nordstoga (1964)
- Åsmund Aukrust (1985)
- Åsmund Grankjellsson (1000-talet)
Namnestatistikk
I 2022 var det 2 056 menn i Noreg som hadde Åsmund som det einaste førenamnet eller som det fyrste av fleire. I 2022 var det 22 gutar som fekk namnet Åsmund.
Utvikling i bruk av namnet
Åsmund er blant dei få samansette nordiske namna som fekk toppfasen sin så seint som i 1980-åra. Andre døme på slike samansette namn med sein toppfase er Erlend, Vebjørn og Vemund.
Geografisk variasjon på 1800-talet
Aasmund var – til liks med Asmund – mest brukt i Telemark. (I søylene inngår det også nokre få belegg på Åsmund på 1800-talet.)
Les meir i Store norske leksikon
Litteratur
- Kruken, Kristoffer og Ola Stemshaug 2013: [Norsk personnamnleksikon]. 3. utgåva ved Kristoffer Kruken. Oslo.