Annuum lea jahkásaš ruhta mii lea fágabargiide Sámi allaskuvllas. Dát čilgehus lea ráhkaduvvon annumnjuolggadusa vuođul man Sámi allaskuvlla stivra dohkkehii 17.06.2021.

Mii lea annum?

• Annuum lea jahkásaš ruhtajuolludeapmi fágabargiide

• Annuum galgá adnot nannet fágalaš ja pedagogalaš doaimmaid mat leat čadnon Sámi allaskuvlla ulbmiliidda, doaimmaide ja vuoruhemiide.

 

• Annuum ii leat liige bálká.

• Annuum ii govčča priváhtta goluid. Dat mii ostojuvvo annuumruđain, lea Sámi allaskuvlla opmodat. 

Gii oažžu annuma?

• Sámi allaskuvlla fágabargi geas lea eambbo go 50% virgesturrodat ja geas lea Sámi allaskuvla váldobargoaddin.

Annuma sturrodat

• Oahpahus- ja dutkan virggehasaide: 10.000 ruvnno (NOK)

• Vuosttašamanueansa-, professor-/dosent-, professorstipendiáhta-, ja doavttirgrádastipendiáhttavirggehasaide: 30.000 ruvnno (NOK)

• Duodje- ja hábmenstipendiáhtaide: 90.000 ruvnno (NOK) jahkásaččat liigeannuum mii galgá gokčat ávnnasgoluid, hábmengoluid, čájáhusgoluid ja loahpahangoluid.

Lassiannum

• Fágabargit geat almmuhit dieđalaš artihkkaliid mat leat fágaguoibmeárvvoštallojuvvon, ja daid ovddas ožžot almmuhančuoggáid, 
  ožžot lassiannum.
  Dássi 1 almmuhankánálas oažžu 2.000 ruvnno (NOK) juohke čuoggá ovddas
  Dássi 2 almmuhankánálas oažžu 3.000 ruvnno (NOK) juohke čuoggá ovddas.

Masa annuma sáhtta geavahit?

• Mátkegoluid gokčat go searvá fágalaš kurssaide, semináraide, konferánssaide ja eará fágaguoskevaš áššiide, nu movt dutkama gieddebargguide.

• Dieđihandivada gokčat konferánssaide.

• Fágagirjjiid oastit, artihkkaliid ja fágalaš áigečállagiid doallat.  

• Goluid gokčat almmuhemiid oktavuođas, nu movt giellabassan, jorgaleapmi, ja vel hábmen, govat, prenten ja eará guoskevaš bálvalusat.

Masa annuma ii sáhte geavahit?

Ii sáhte geavahit annuum oastit bevddiid, stuoluid ja eará viessogálvvuid. Dat sáhttet baicca lea vejolaš DBS-golut.

Eará masa ii sáhte geavahit:

• Ruovttukantuvrra láigogolut
• Ruovttukantuvrra bargoreaiddut
• Telefovnnat ja telefongolut
• Bargodihtor
• Mátkegolut gaskal bargosaji ja priváhtta orrunbáikki

 

Teknihkalaš rustegiidda dárbu?

• Galgá iskat leat go Sámi allaskuvllas rusttegat máid dárbbaša, ovdal go diŋgogoahtá ođđa.

• Jus ferte diŋgot ođđa, ja annuum galgá geavahuvvot dasa, de galgá diŋgojumis mii manná IT-ossodahkii, čuovvut fágalaš ákkastallan goađi bealis.

Go bargi heaitá virggistis dahje go geargá bargguin masa dárbbašii dan teknihkalaš bargoreaiddu, de galgá buktit dan IT-ossodahkii. 

Sierra dárbbut dearvvašvuođa dihte?

Dárbbašat go sierralágan beavddi, stuolu, boallobeavddi, sáhpána, šearpma, čuovgga dahje eará go dat mii lea dábálaš fálaldat bargosajis?

Gulahala iežat lagamus hoavddain. Diekkár dárbbut bohtet dávjá DBS-vuogádaga vuollái.

Annum sisaoastinskovvi

Annuum sisaoastinskovvi sistisdoallá dieđuid guhte fágabargiin lea annuum, man ollu annuum sis lea, gollobáiki ja prošeakta, ja referánsa. Maiddai čujuhus gosa rehket sáddejuvvo, go diŋgo girdibilleahtaid, hoteallaidjadeami, giellabassanbálvalusaid jna.

Annuum sisaoastinskovvi ođasmahtto jámmadit, ja ođđaseamos gávdo Public360 áššemeannudan- ja vuorkávuogádagas. 

Áššenummár 25/00105. (Ođđa áššenummár juohke jagi)

Ovddasvástádus lea personalossodagas ja dutkanhálddahusas.

Movt geavahit annum?

Diŋgot gálvvuid ja bálvalusaid:

• Mátkiid ja hoteallaidjademiid diŋgo Berg-Hansen fitnodaga bokte.

• Bargi ovddasvástádus ahte doaibmá sisaoastinnjuolgga-dusaid siskkobealde. 

• Nu guhkás go vejolaš, dáhto fitnodaga sáddet rehkega, ja referánsa lea 1330kemh.

 

Goluid oažžut máhcahuvvot:

• DFØ bokte, go ieš lea máksán olggosgoluid

• Sisaoastinskovvi galgá čuovvut gáibádusa, ja čilgehus manne ii leat dáhtton rehkega. 

 

Annuuma ii sáhte seastit nuppi jahkái.

 

Bargi ovdddasvástadus

• Čuovvut mielde ahte ii golat eambbo go dan mii lea juolluduvvon. Sáhttá čálistit jearaldaga iežas annuumgolaheami dáfus ekonomiijaossodahki: ekonomiijaossodat@samas.no 

• Raporteret oanehis raportta bokte mas annuumguoskevaš doaimmat, bohtosat ja golut čilgejuvvojit. 

Áigemearit

• Áigemearri geavahit annuum juohke jagi lea 30.11., skábmamánu maŋemus beaivi. Dan radjái galget buot rehkegat ja máhcahangáibádusat siste. Fuomaš! Áigemearri 2025 lea juovlamánu 5. beaivi.

• Áigemearri raporteret annuumgeavaheami lea njukčamánu 1. beaivi. Dasa geavahuvvo sierra skovvi.