ugras

grøne plantar veks utover ein grusveg
Skvallerkål om våren før han blomstrar.
Foto
Av /Bioforsk.
Lisens: Avgrensa gjenbruk

Ugras er planter som veks stader menneske ikkje vil at dei skal vekse. Det finst mange planter i naturen som også kan vekse i hagar og i åkrar. Når dei veks i naturen blir plantene ikkje sett på som ugras. Men når dei veks i ein åker eller i ein plen der dei ikkje er ynskja, blir dei kalla ugras.

Ein bonde vil ikkje ha ugras i åkeren fordi det kan ta næring og vatn frå dei plantene bonden skal dyrke. I hagar og parkar kan ugras ta over område der det skal vekse blomar og andre planter som er til pryd.

Bekjemping

Det finst fleire måtar å bli kvitt ugras. Ein bonde kan gjere jorda si veldig god for plantene hen vil dyrke og mindre god for ugras. Hen kan sprøyte på kjemikaliar som drep ugras. I hagar er det vanleg å plukke bort ugras med hendene eller ein spade. Dette blir kalla luking.

Eksempel på ugras

Løvetann er ei plante som kan vekse i hagar, i eng og i beite. Fordi ho ikkje alltid er ynskt i desse miljøa, vert ho sett på som ugras her. Løvetann har ei stor rot som gjer at planta er vanskeleg å bli kvitt. I tillegg lagar ho mange frø som kan bli til mange nye planter. Dette er typisk for mange av plantene som vert sett på som ugras.

Andre artar, som for eksempel skvallerkål, formeirer seg utan frø, men lager raskt nye planter ved å spreie seg med stenglar under jorda.

Les meir i Vesle norske leksikon

Faktasjekk av

Unni Vik
Førsteamanuensis, Ph.d. i mikrobiell økologi, OsloMet – storbyuniversitetet