Himling er det som dekkjer taket inne i eit rom. Ofte blir himlinga berre kalla tak.
Skiljet mellom etasjane i eit hus kan for eksempel vere laga av trebjelker eller betong. Skiljet fungerer på to ulike måtar, avhengig av kor ein er: Skiljet er golvet i etasjen over seg, og himlinga i etasjen under seg.
Himlinga er oftast laga av trepanel eller plater, til dømes av spon, gips, fiber eller metall. Ein kan pusse, male eller pynte så himlinga blir fin å sjå på. I kyrkjer eller palass kan det vere maleri og anna utsmykking i himlinga.
I himlinga går det også an å feste ekstra materiale som dempar lyden i rommet. Det er vanleg å ha eit mellomrom mellom etasjeskiljet og himlinga. Her kan ein leggje kablar og rør til straum og lufting, utan at dei er synlege. Da seier ein at himlinga er nedfora eller seinka.
